الرئيسية | احنا مين

احنا مين

في “ده بجد؟” بنكشف حقيقة الأخبار و المعلومات الغلط المنتشرة على السوشيال ميديا أو الأنترنت عموما .. بنقول الحقيقة بالدليل و الاثباتات و المصادر .و هدفنا اننا  نوعي الناس و نخليهم فاهمين إن مش كل حاجة بتتقال تبقى صح خصوصا لو منشورة بدون أي مصدر و كمان نعودهم يدوروا و يفكروا قبل ما يصدقوا أي حاجة.

اعضاء فريق “ده بجد؟” مش مع تيار معيَّن و مش بنتبع أي جهة و كلنا متطوعين.

أسئلة متكررة:

عايز اتأكد من بوست , اعمل ايه؟
ابعتلنا هنا

ليه لازم الخبر يبقى منتشر عشان تدوروا عليه؟
المشكلة اننا بناخد وقت كتير قوي في اثبات الحقيقة, فـبنفضل نحط الوقت ده في حاجة منتشرة عشان نفيد اكبر عدد

عايز ادور على بوست قديم عملتوه ؟
استخدم الموقع بتاعنا و دور بأهم كلمة مناسبة للبوست ده

بعتلكم خبر و مانزلتوش الحقيقة بتاعته, ليه؟
يا إما لسة هنشوفه, أو مالوش اثبات 100%, أو حقيقي أو لسه بندور عليه

إزاي انضم ليكم؟
عن طريق المسابقات اللي بنعملها

ليه فيه إشاعات من اللي بتصححوهـا مش بشوفها غير عندكم؟
عشان أنت مش بتشوف كل حاجة موجودة على فيسبوك

كان بيجيلي كل البوست بتاعتتكم بقالي كام شهر ما بيجيليش حاجه ليه؟
عشان تعرف تشوف كل البوستس بتاعتنا اتبع الخطوات دي

 انتوا مش محايدين عشان مش بتعملوا نفس عدد التصحيحات لكل الأطراف
الحياد هو اننا يبقى عندنا نفس المعايير في البحث و تصحيح الأخبار .. لو فيه طرف بيطلع عليه اشاعات اكتر من التاني دي مش مشكلتنا.
غير اننا مش بنعد عملنا كام تصحيح لكل طرف أو التصحيح ده في طرف مين .. المهم عندنا انه بوست غلط و ليه عندنا اثبات فقط.

امتي ممكن تعملوا لحد حظر؟
لو الحد ده شتم أو قعد يبعت نفس التعليق كذا مرة او عمل اعلان اكتر من مرة